Bild 1: Der erst zuganng Im Ringen. Item hallt dich Allso Inn diesem zuganng Erstlich so sich / auf ob der man hoch oder nider zu dir gat geet Er hoch so darfstu dich nichts bsorgen / vor Im vnnd magst deine stuckh so du Im synn hast wol volbringen. Geet er dann nider / gögen dir so hallt deine daumen Inn deinen henden zugethon vnnd die linckh hand auff deinner lincken seiten. die recht hannd auf deiner rechten, das dein linckher fuoß vorstee./ vnnd gib dich damit Inn die wag 1). so stastu also Inn deinem vortail. Glossar: 1): Die „Wage“ der alten Ringkunst bedeutet die zu Angriff u. Vertheidigung gleich geeignete etwas vorgeneigte Haltung des Ringers bei etwas gebeugten Knieen. Vergl. Auerswald 11. Stück.

Bild 2: Das erst abwinden vor der hand. Item schick dich also In das abwinden linckhs vnd rechts/ so magstu sehen wie sich der Mann gegen dir hallten will stannd mit deinem lincken fuoß vor/ vnd halt dein lincke hand vnnden bey deinem linckhen schenckel wol zugethan. Gat er / dann also zu dir oder gögen dir vnnd greifft dir mit seiner lincken hannd nach deiner rech=/ ten Achsel seinen linckhen fuoß furgesetzt. so vberwind Im mit deiner rechten zugethanen / hannd. aussen 2) yber seinen lincken Arm truckh vndersich 3). so ist sein arbeit auch / allso geprochen. 4) Glossar: 2): wir würden sagen: von außen nach innen. 3): untersich, übersich wird in oberdeutschen Mundarten noch immer anstatt abwärts, aufwärts gesagt. 4): brechen, der Bruch: das alte kunstwort zunächst der Fechtsprache für decken, Deckung, (parieren, Parade).

Bild 3: Das Schloß Rinngen. Item so er dir zugeet So treib das Schloß Ringen / also. fall Im mit deinnem linckhen Arm yber seinen lincken hinuber. vund heb damit / vonn Innwendig sein linckhen schenckel oberhalb des knies wol auf. vnnd trit mit deinem / linckhen fuoß hinder seinen rechten Indes hab acht das der trit vnnd das vberfallen / mit ainander gang unnd ain ding sey. dann es schnell muoß zugan. so magstu In / werffen. vnd dises stuckh magstu von baiden seiten gegen dem mann treiben. Glossar:

Bild 4: Die schweche des Arms vornen. Item gib dich also In Dises stuckh. wann er / gegen dir gat mit zuge= thonen Armen vnnd fast dich mit seiner lincken hand bey dei=/ ner rechten Achsel. so vberfall Im mit deiner rechten hand von aussen vber seinen linck= / en Arm wol vornen bey der hannd vnd mit deiner linckhen hand greiff zu deiner / rechten. Indes truckh mit baiden hennden seine lincke hand an deine prust. so muoß / Er sich biegen Inn dem wend dich von deiner lincken auf dein Rechten seiten vnd / wirff In vber deinen rechten Schenckel. Glossar:

Bild 5: Ein wurff auß der Offne scheer. Item so Ir all baid Ainander zugond. so hab gute acht / das du mit deiner rechten hand auss der scheer Im vmb seinen hals greiffest 5) vnnd In hinder / seiner [r. !] Achsel bey dem goller fassest. will er sich dan mit seiner lincken hand ledig machen / vnnd greifft er damit vnder deinen rechten arm hindurch vnnd will dir die hand / oben auflösen. so trit Indes behend mit deinem Rechten schenckel hinder seine baid fuoß. In / dem greiff Im mit deiner lincken hand zwischen seine gemecht. heb damit wol ybersich und / oben mit der rechten hand bey seinem hals truckh starckh auf dein rechten seiten. so wirfstu / In yber deinen fugesetzten schenckel. Glossar: 5): die rechte Hand wird also nicht gerade aus, sondern nach der linken Seite gehoben.

Bild 6: Das zuckhen. Item wann Ir Baid zusamen kument. so greiff mit dein= / ner linckhen hand nach seinem rechten Arm. windt er dir dan außwendig oben / yber deinen lincken arm mit seinem rechten so zuckh Indes behend dein lincke hand / vnnd greiff darmit vnnder seinem rechten arm hindurch vber sein prust / vnd faß In starckh Indes 6) zuckh dein rechte hand vnnd greif darmit wol vnden nach / seinem rechten schenckel vnnd heb wol ybersich In dem trit mit deinem lincken schenckel/ wol außwendig fur seinen lincken vnnd mit der lincken hand so du bey seiner prust / hast. truckh starckh von dir auf dein lincken seiten so wirfstu In zuruckh. Glossar: 6): „Indes“, ein der Fechtkunst ursprünglich angehörendes kunstwort, bedeutet: schnell, zu gleicher Zeit; s. oben das 3. Stück; im 4. Stück ist Indem gleichbedeutend mit Indes.

Bild 7: Das durchlauffen vnder dem Arm. Item wann Ir Baid zusamen kument. so erwisch mit deiner rech=/ ten hand seine lincke. vnnd zuckh die wol ybersich Inn dem lauf Im mit deinem kopff vnd / leib vnnder seinem lincken Arm hin= durch das du Im seinen lincken Arm auf deiner rechten Achsel habest. vnnd trit mit deinem lincken fuoß nach seinem rechten. so kumpt der recht / schenkel herfur. Indes greiff mit deiner lincken hand hinden wol vmb seinen leib hinumb / hastu In also gefast das du In hintragen magst. 7) Glossar: 7): Die alte Bedeutung von mögen ist: können, im Stande sein.

Bild 8: Ein abwinden vonn baiden seiten. Item wann Ir beid Zusamen kument so setz deinen linck= / en fuoß fur seinen rechten vnnd greiff Im aussen nach seinem lincken arm Greifft er dir also von aussen nach deinem lincken Arm. so erwisch du Im mit deiner lincken / hannd Innwendig seinen rechten arm bey der prust vnnd mit der rechten hand greiff / Im wol vornen Inn sein prust hat er dich also gefasst. so wind 8) mit deinem rechten Eln=/ pogen Innwendig In seinen rechten Elnpogen vnnd mit der lincken hand vnnder/ seinen baiden Armen hindurch wind damit vbersich. so ist all sein arbeit ver= gebens./ vnnd bist darzu ledig. Glossar: 8): winden, drehen

Bild 9: Ein obers vnnd ein vnnders winden. Item wann Ir baid zusammen gond. vnnd Er dir also mit / seiner lincken hand Innwendig nach deinem rechten arm greifft. so trit mit deinem linck=/ en schenckel hinder seinen rechten. Inn dem greiff Im mit deiner rechten hand wol hinden/ Inn seinen linckhen Arm. wind damit wol ybersich windt Er dir deinen arm also yber= / sich. so greiff mit deiner rechten hand vnnder seinem rechten Arm hindurch vnnd wind / damit auf dein lincken seiten. windt Er dir dann auch also yber. so zuckh dein Linckhe / hand behend vnnd setz Ims 9) In seinen rechten Elnpogen truckh Im den damit vnndersich / vnnd oben truckh auch starckh von dir. so wirfstu In yber deinen lincken schenckhel. Glossar: 9): Ihm sie (die Hand).

Bild 10: Das Rad. 1) Item hapt Ir baid Ainander gefast. bey euren Ar=/men wol Inn den Elnpogen, so thu baid fuoß zusamen vnnd schwing 2) In aus dem Rad./ wol herumb auf dein rechten seiten. schwingt Er dich also herumb. so gib dich mit deinem kopff auf sein rechte Achsel. Inndem laß deine baid arm geen. vnnd wind Im Innwendig yber seine baid Arm. windt er dir also vber deine baid arm. so trit mit dei=/ nem rechten fuoß Innwendig fur seinen lincken. Inn dem schwind In auß dem Rad / fur dich auf dein lincke seiten. Glossar: 1): In Mair's Ringerpaar hat der Rechte eine andere Stellung als bei A.; er befindet sich nämlich in einer Ausfallstellung links. 2): Bekannt ist, daß das Ringen der Schweizer Sennen das kunstwort „Schwingen“ noch jetzt führt!

Bild 11: Das Rad vor dem man. Item schickh dich Allso mit disem stuckh spring mit / deinem linkchen schenckel hinnein. das dir seine baid schenckel zwischen deinen baiden fuossen steen. Indes greiff Im mit deiner rechten hand nach seinem lincken arm ober= / halb des Elnpogens vnnd mit deiner lincken hand vnnder sein rechte Vchsen. 3) In dem / wirff In auss dem Rad vber deinen lincken schenckel. Wiltu das prechen. so lass dein rechte / hand von seiner lincken Achsel vnnd setz Im damit vornen an seinen hals. so ist das prochen. Glossar: 3): Achselhöhle.

Bild 12: Das schloß Rinngen. 4) Item hallt dich also Mit disem Schloßringen trit mit / deinem lincken schenckel zwischen seinen baid fuoß hinder sein rechten fersen Ist er dir dan / also eingetreten so greiff mit deiner lincken hannd. vornen auf sein rechte Achsel. vnnd-/ mit der rechten hinden vmb seinen leib hinnumb deiner lincken hand zu hilff truckh / In 5) damit starckh zu dir. hat Er dich also gefast vnnd truckt dich zu Im so greiff mit dei=/ nem lincken arm yber seinen lincken vnnd mit der rechten vnnden bey seiner kniepug 6) / der lincken hand zu hilff. heb damit ybersich vnnd oben mit der lincken Achsel truckh / von dir so wirfstu In. Glossar: 4): S. oben 3. Stück 5): ihn 6): Kniekehle.

Bild 13: Ain eintreten mit ainen Wurff. Item schickh dich also In dieses stuckh. trit mit deinem / lincken schenckel fur seine baid schenckel vnnd greiff mit deiner rechten hand außwendig / auf sein linckhe Achsel vnnd mit deiner lincken vmb seinen lieb hinumb Inn sein rechte / seiten Begert er sich dann ledig zumachen. vnnd greift dir mit seiner lincken hand Inn / dein rechte Achsel. so truckh Inn mit sterckh mit deinem rechten Elnpogen In sein linckhe Achsen vnnd schwing In damit yber deinen lincken schenckel an den ruckhen. Glossar:

Bild 14: Ein wurff auß der obern schwech. Item halt dich also Inn disem stuckh trit mit deinem lincken schenckel hinder seinen rechten vnnd greiff Im mit deiner lincken hadn vnder / sein kin vnnd mit der rechten Inn seinen lincken Arm wol oben bey der Achsel. Begert/ er sich dann des wurffs zu enthallten vnnd greifft dir mit seinen baiden armen von / Innwendig In die baid arm, so truckh In mit deiner lincken hand bey seinem hals. / auß der schwech starckh zu ruckh. so kan Er sich nicht enthalten. 7) Indes wirff In yber dei=/ nen lincken schenckel zuruckh. Glossar: 7): sich aufrecht halten, Luther: Und der h. Geist enthalte mich.

Bild 15: Ain wurff auß dem Einwinden. 8) Item schickh dich Allso Inn dises einwinden. spring / mit deinem rechten fuoß fur seinen lincken schenckel. vnnd greiff Im mit deinem rech=/ ten Arm hinden vmb seinen leib hinumb zu seiner rechten seiten. vnnd mit der lincken / hand faß In bey seinem rechten Elnpogen. zeuch In damit zu dir auf dein rechten seiten. Begert er dich dann zu ainem wurff zu pringen. so greiff Im mit deiner rech=/ ten hand yber sein prust. auf sein lincke Achsel. vnnd mit der lincken bey seiner waich 9) / hinumb zu seiner lincken seiten. Inndem trit mit deinem rechten schenckel zu ruckh / vnnd schwing In von seiner rechten huff. auf dein rechten seiten. so wirfstu In fur / dich hinauß. Glossar: 8): Bei Mair's Ringerpaar steht der Linke in einer Schrittstellung rechts. 9): Die Waiche, Taille. Das altdeutsche Wort ist „die Krenke“: krank in altem Sinne bedeutet schwach.

Bild 16: Ein Wurff auß der wag. Item halt dich also mit Disem wurff/ auß der wag. wann Ir baid zusamen gond so trit mit deinem rechten schenckel fu seine / baid schennckel hinauss vnnd greif Im mit deiner lincken hand nach seiner rechten ach=/ sel. vnnd mit deiner rechten vnnder seinem lincken Arm hindurch vmb sein waiche. hat / Er dich Also gefasst. zu ainem wurff. so greiff Im mit deinem lincken Arm yber seinen rech= / ten vmb seinen leib hinumb. vnnd mit deiner rechten kum der lincken zu hilff. hat Er / dich also gefasst. vnnd vermaint sich zu enthallten. so wirff In vber baid schenckel wie du / In dann gefasst hast. Glossar:

Bild 17: Ein wurff auß dem schwung. 10) Item hallt dich also Mit disem stuckh. trit mit dei=/ nem rechten fuoß Innwendig fur seinen rechten vnnd greiff Im mit deiner rechten hand. / vber sein prust Inn sein lincken seiten vnnd mit deiner lincken hand wol oben Inn seinen rech=/ ten schenckel. hat Er dich also gefasst zu dem schwung so greiff Im mit deiner rechten hand / vnnder seinem lincken arm Inn sein lincken Vchsen vnnd mit der lincken Innwendig In / seinen rechten Arm truckh damit vnndersich. Will er dir den schwung allso weren so trit mit/ deinem lincken schennckel hinder seinen rechten vnnd schwing In yber deinen lincken schenckel./ auf dye erden. Glossar: 10): In Mair's Bild steht des Linken linkes Bein weiter zurück als bei A.

Bild 18: Ain gemainner wurff. Item so Ir baid zusamen Gond so trit mit dei=/ nem linckhen schenckel zwischen seine baid fuoß vnnd greiff mit deiner linckhen hand/ hinden nach seinem rechten schenckel vnnd mit deiner rechten hand vnden nach / seinem gemechten. vnnd schwing In auf dein rechten seiten herumb. Schwingt er/ dich also herumb. so schlag Im deinen lincken fuoß vmb seinen lincken auß dem / hagcken 11) so muoss Er fallen. Glossar: 11): „Der Haken“ ist ein Kunstwort der alten Ringsprache.

Bild 19: Einn wurff auß der wag. 12). Item schickh dich Allso Inn dises stuckh. Wann / Ir zusamen gond trit mit deinem lincken schenckel hinein. vnnd greiff Im mit deiner / rechten hannd vmb seinen leib hinumb wol Inn der waich seiner linckhen seiten. vnd / mit deinner linckhen hand wol oben Inn seinen rechten schenckel. hat Er dich allso ge=/fast. so greiff Du auch mit deiner lincken hand vmb seinen leyb hinumb wol In die waich / seiner rechten seiten. vnnd mit der rechten wol oben Inn seinen lincken schennckel vnder sei=/ nem linckhen Arm hindurch hapt Ir dann baid ainannder also gleich gefast Inn der wag / so trit mit deinem rechten schenckel fur seinen lincken vnnd schwing In daruber auß der wag./ Glossar: 12): Bei Mair befinden sich beide Ringer in entschiedenerer Schrittstellung links.

Bild 20: Ain wurff auß der sterckh. Item schickh dich also Wann Ir zusamen gond / trit mit deinem lincken schenckel außwendig hinder seinen rechten vnnd faß In mit / deiner rechten hand wol Inn der waich seiner rechten Seiten vnnd mit der lincken hant / greiff Im vmb seinen leib hinumb hat er dich also gefasset so greiff mit deiner linck=/ en hannd vber seinen rechten arm nach seiner rechten seiten vnnd mit deiner rechten / hand auch vmb seinen leib hinumb deiner lincken hand zu hilff In gleicher sterckh. hapt / Ir dann baid also ainannder gleich gefast. so trit mit deinem lincken schenckel fur sei=/ nen rechten vnnd truckh Im die waich starckh zu dir. Indes setz Im dein kin wol oben an / sein prust truckh damit vnndersich. so wirfstu In vber deinen lincken schenckel. Glossar:

Bild 21: Ein wurff auß der obern schwech. Item schickh dich Allso mit disem stuckh / trit mit deinem lincken schenckel auf sein rechten seiten hinden fur seine baid / schennckel hinaus Inndem setz Im mit deiner lincken hannd an seinen hals / vnnd mit der rechten greiff Im vmb seinen leib hinumb seiner rechten seiten. / will er sich dann enthallten vnnd greifft dir mit seiner lincken hand nach dei= / nem rechten Elnpogen. vnnd mit seiner rechten hand vmb deinen leib hin= /umb deiner rechten seiten. vnnd begert dir das abzunemen. 1) so truckh In oben bey / der schwech vber deinen lincken schennckel so wirfstu In daruber. Glossar: 1): abnehmen: in der Fechtsprache gleich: brechen, absetzen.

Bild 22: Ain wurff auß der mitlen schwech. Item hallt dich also Mit disem stuckh. wan/ Ir zusamen gond. trit mit deinem rechten fuoß hinder seinen lincken wol hinauss./ vnnd heb mit deiner linckhen hand von Inwendig seinen rechten schenckel wol auf in / die hoch vnnd mit deiner rechten hannd greiff hinden vmb seinen leib hinumb / wol Inn sein rechten seiten. hat Er dich also gefast zu ainem wurff. so greiff Im / mit beiden armen Inn der waich hinumb seiner mitlen schwech vnnd truckh / damit starckh zu dir Truckht er dich als zu Im. so gieb dich ain weing 2) hinder sich zu/ ruckh vnnd heb seinen rechten schenckel wol vbersich so wirfstu In auf dein rechten / Seiten. Glossar: 2): Das ist: wenig.

Bild 23: Ainn gemains Ringen. Item wann Ir zusamen Gond / so trit mit deinem linckhen schenckel zwischen seine baid fuoß vnnd truckh In / mit deinem kin neben seinem hals starckh hinein gibt er sich dann In die wag/ vnnd beugt sich so greiff mit deiner lincken hand zwischen seine baid fuoß. vnd / mit deiner rechten vmb seinen Leib hinumb zu seiner rechten seiten vnd zeuch / In zu dir. hat Er dich also gefast zu ainem wurff. so greiff Im mit baiden ar=/ men In der waich hinden vmb seinen Leib hinumb vnnd truckh In zu dir truckht / er dich also zu Im so tring In oben mit dem kin starckh von dir. vnnd vnden heb ybersich / so muoß Er zu ruckh fallen. Glossar:

Bild 24: Ein wurff yber die hüff. 3) Item halt dich Allso mit disem stuckh wan Ir zu= / samen gond. trit mit deinem rechten schenckel. fur senien rechten hinauß vnnd greiff/ Im mit deiner rechten hand Inn sein lincken Vchsen. vnnd mit deiner lincken hinden / vmb seinen leyb hinumb deiner rechten hand zu hilff hat Er dich also gefast. so greiff / du mit deiner rechten hand vornen vber sein prust vmb seinen leib hinumb vnd mit / deiner lincken hand faß In starckh bey seinem rechten arm oberhalb des Elnpogens In=/des trit mit dniem rechten fuoß fur deinen lincken. vnnd schwing In vber dein rechte / hiff. so muoß er fallen. Glossar: 3): Bei Mair ist de Rechten Stellung mehr ausfall=ähnlich.

Bild 25: Ein wurff auß der wag. Item wann Ir baid Zusamen gond so schickh dich also. trit mit deinem lincken schenckel fur seine baid fuoß. hinaus vnnd greiff Im mit deiner / rechten hannd wol In sein waiche vmb seinen leib hinumb vnnd mit deiner lincken hand / vornen vber sein prust auch vmb seinen leib hinumb deiner rechten zu hilff. hat Er dich / also gefast so greiff du. mit deiner linckhen hand yber seinen rechten Arm hinden vmb seinen / leib vnnd mit deiner rechten kum deiner lincken zu hilff gib dich damit wol In die wag Indes / schwing In vber deinen lincken schennckel herumb so muoß er fallen. Glossar:

Bild 26: Ainn wurff mit einem Armpruch. 4) Item halt dich also Inn dise stuckh fast Er dich vornen mit / seiner rechten hand bey deinem lincken Arm Inwendig vnnd mit seiner lincken hand will er/ dir vmb deinen hals faren das Er dich zu Im zieche. 5) so vberfall Im mit deinem rechten Arm/ wol oben yber sein Achsel vnnd mit deiner lincken faß In bey seinem rechten Elnpogen Inn / dem setz deinen rechten schenckel wol fur sich 6) hinaus vnnd truckh oben starckh vnndersich so prich= / stu Im den Arm oder schwing In Indes behend vber deinen furgesetzten schenckel yber die huff so / muoß er fallen. Glossar: 4): Bei Mair steht der Vordere ausfall=ähnlicher. 5): ziechen sagt man anstatt ziehen auch jetzt noch in oberdeutschen Mundarten. 6): für sich, d. i. vorwärts.

Bild 27: Ein armfassen darauß ain wurf geet. 7) Item halt dich also Wann Ir zusamen gond setz Im / deinen lincken schenckel von Innwendig an seinen rechten vnnd faß In mit baiden henden / vornen bey seiner waich hat Er dich also gefasst so greiff mit deinen baiden armen Im vber / seine baid arm vnnd faß Im vnden bey seinen Elnpogen die Arm starckh zusamen. In=/ dem heb In damit vbersich vnnd schwing In vber deinen rechten schenckel so muoß er fallen. / Glossar: 7): Der Linke des Mair'schen Bildes steht in einer Ausfallstellung links.

Bild 28: Ain fassen das ledig zu machen ist. Item schickh dich also In dises fassen. trit mit / deinem lincken schenckel hinein vnnd faß In mit baiden henden vornen Inn der waich / hat Er dich also vornen gefast so far Im mit deinen baiden Elnpogen zwischen seine Arm hinein Inn dem gib dich wol nider In die wag vnnd reiss damit aufs Indes far / Im mit deinen baiden henden vnnder seine baid Elnpogen scheub Ims damit wol / ybersich In die hoch vnnd schlach Im den hagcken mit deinem lincken fuoß vmb sei=/ nen linckhen so wirfstu In zu ruckh. Glossar:

Bild 29: Ein einbrechen mit ainem wurff. Item wann Ir zusamen gond. so schickh dich also hallt deine baid / hend wol nider gat er dann gögen dir. so erwisch mit deinen baiden armen seine baid schenck=/ el vnnd zeuch In damit zu dir. zeucht er dich also zu Im so greiff Im mit baiden armen oben / vmbd seine baid Achsel. hat Er dich also gefast. vnnd begert dich mit Im zu werffen. so gee. / mit deinen fuossen wol von einannder vnnd zeuch In damit vber deine schenckel. so wirf=/ stu In wie du willt. Glossar:

Bild 30: Ain wurff auß dem hackhen. 1) Item schickh dich Also mit disem stuckh / wann Ir zusamen gond. trit mit deinem lincken schencke Inwendig fur seinen rechten / vnnd far Im mit baiden henden vmb seinen leib hinumb. faß In damit starckh vnnd truckh In mit gwalt zu dir. hat er dich also gefast. vnnd truckt dich zu Im so greiff Im/ mit deiner rechten hand vnnder sein kin vnnd tring 2) In von dir vnnd Im tringen schlach / Im den hagcken mit deinem rechten fuoß hinder sein linckhe kniebug. So magstu In werf= / fen vnnd das stuckh geet von baiden seiten 3). Glossar: 1): Bei Mair hat der Linke eine Ausfallstellung rechts. 2): dränge. 3): d. h. man kann mit dem rechten und mit dem lincken Beianden „Haken“ machen.

Bild 31: Einn abnemen des Armfassens. Item wann Ir zusamen Gond / so trit mit deinem lincken schenckel hinein vnnd greiff mit deiner rechten hand In sein / lincke prust vnnd mit deiner linckhen Inn sein rechte Achsel hat Er dich also gefast. / vnnd du mit deinem rechten fuoß gögen Im stast. so greiff mit deinem linckhen Arm / außwendig yber sein rechte hannd truckh damit an dein purst 4) so muß er sich zu dir / biegen. vnnd mit deiner rechten hand greiff Im nach seiner linckhen Achsel zeuch In / damit zu dir Indes greiff mit deiner linckhen hannd zwischen seine fuoß und mit / deinem rechten Arm vmb seinen hals so wirfstu In auß der scheer. 5) Glossar: 4): Lies: prust. 5): Vergl. oben das 5. Stück.

Bild 32: Ain armrenckhen mit ainem wurff. Item schickh dich Also Inn dises stuckh / wann er gögen dir gat. trit mit deinem rechten schennckel zu Im vnnd greiff Im / mit deinem lincken arm vnnder seinen rechten Elnpogen zeuch In damit zu / dir so beugt er sich vnnd Inn dem biegen. so greiff mit deiner lincken hand In sein / rechte. Indes wind Im seinen arm damit vndersich. so magstu Im den prechen. hat Er dich also gefast. vnnd begert dir den Arm zu prechen. so fall Im mit deiner / linckhen hand Inn seinen rechten arm truckh damit starckh vndersich. so wirsstu des / armpruchs ledig. Indes far Im behend mit deiner lincken hand vornen vmb sei= / nen hals vnnd trit mit deinem lincken fuoß hinder seinen rechten vnd wirff / In daruber. Glossar:

Bild 33: Ein zuckhen darauß ain wurff geet. Item halt dich Also Inn disem stuckh wann Er / mit dem kopff an dein prust kumpt. so far Im mit baiden henden vmb seinnen hals. vnnd erwisch In bey seinem gollder vnnd hab acht das du wol Inn der waag / stanndest. hat Er dich also gefast bey deinem hals. so greiff mit baiden armen / von außwendig vber seine baid Arm. Greifft er dir also yber so setz deinen lincken schennckel zu ruckh vnnd zuckh In Indes behend zu dir. so wirfstu In fur sich auf dz 6)/ Angsicht. Glossar: 6): die daz, das.

Bild 34: Ain durchlauffen vnnder dem arm. Item schickh dich Also Inn dises stuckh / wann Ir zusamen gond ergreiff Im mit deiner rechten hand sein lincke. hebs da= / mit wol vbersich. Indes wisch mit deinem kopff vnnder seinem linckhen arm hin=/ durch vnnd trit mit deniem linckhen schenckel hinder seinen linckhen Indem greiff / mit deiner linckhen hannd nach seinem linckhen schenckel richt dich damit auf vnd / heb In Inn alle hoch vbersich. so magstu In werffen oder hintragen wo du willt. Glossar:

Bild 35: Ein verkerer. 7) Item halt dich also Inn disem stuckh. wann du / zu dem mann kumpst. stat er dan mit seinem rechten fuoß gogen dir vnnd du auch / mit deinem rechten schennckel vorstast. so ergreiff Im mit deiner lincken sein lincke./ vnnd mit deiner rechten hannd greiff Im vnder seinen linckhen Elnpogen so ver=/ kerst du In das er dir den ruckhen muoß bieten In des trit mit deinem lincken schnnckel / hinnach unnd stoß oben wol von dir so fellt er auf das angesicht. Glossar: 7): Verkehrer, d. i. Umdreher, heißt auch ein Fechtstück.

Bild 36: Ain wurff auß der wag. Item wann Ir baid zusamen gond. so halt dich / also stannd mit deinem linckhen fuoß vor. vnnd gib dich Inn die wag. stat er dann/ also gögen dir so trit mit deinem rechten fuoß wol Inn trianngel 8) hinder In Indes / greiff mit deiner rechten hand hinden zwischen seine fuoß vnnd ergreiff Im seinen / rechten schenckel. heb den damit vbersich vnd mit deinem linckhen Arm greiff oben / vmb seinen hals das du In mit deiner linckhen hand bey seiner prust fassest. Inn dem / truckh starckh vndersich vnnd mit der rechten hand heb wol vbersich so wirfstu In / auf das angesicht vber die prust. Glossar: 8): Aus der späteren Fechtsprache entlehnt; ein Schrägausfall nach außen ist gemeint.

Bild 37: Einn einganng mit ainem Armfassen. Item schickh dich Also Inn dises stuckh. stand mit dei= / nem linckhen fuoß vor stat er dann auch also gögen dir mit seinem rechten fuoß vor vnnd / greifft nach dir. so erwisch Im mit deiner rechten hand seinen rechten daumen / vnnd mit deiner linckhen hand greiff Im wol Inn sein achsel von aussen. hat Er dich also / gefast. vnnd wil dich zu Im ziechen so trit mit deinem linckhen schenckel zwischen seine baid / fuoß. Inn dem greiff Im mit deiner linckhen hand Inn seinen rechten Elnpogen truckh/ damit vnndersich. so muoß Er dir den daumen lassen In des far Im mit deiner lincken / hand vornen vmb seinen hals vnnd wirff In vber deinen furgesetzten schennckel. Glossar:

Bild 38: Ainn wurff auß der scher. Item halt dich also Wann du zu dem man/ kumpst trit er mit seinem rechten schennckel gögen dir. so spring mit deinem / lincken schennckel hinder seinen rechten vnnd far Im mit deiner linckhen hand / vnnder seiner rechten hindurch yber sein prust setz Im damit an seinen hals / Indes greiff mit deiner rechten hannd wol oben nach seinem rechten schenckel. / heb damit vbersich vnnd oben truckh starckh vnndersich so wirfstu In auß der scher./ Glossar:

Bild 39: Ein wurff vber die hüff. Item wann Ir Baid zusamen gond so schickh dich also Inn/ dises stuckh.trit mit deinem rechten schenckel hinein stat er dann auch gögen dir mit / seinem linckhen fuoß vor. so hab Indes acht das du Im mit deiner linckhen hand sein / linckhe erwischest. zeich In damit zu dir. Inn dem far Im mit deiner rechten hand / hinden wol vmb seinen leib hinumb vnnd wirff In damit yber dein recht hiff. Glossar:

Bild 40: Ainn Nidertruckhen. Item schickh dich also Wann Ir baid zusamen / gond trit mit deinem linckhen schenckel hinein hinder seinen rechten. stat er dann / allso mit seinem rechten schenckel gögen dir vnnd greifft dir mit seiner lincken hand / nach deinem rechten schennckel wol oben. vnnd mit seiner rechten hannd Inwendig / zwischen deine baid Arm. so fall Im mit deiner rechten hand oben auf seinen hals vnd / mit deiner linckhen. greiff Im vnder sein rechte Vchsen truckh In damit wol nider zu / der Erden. Glossar:

Bild 41: Einn wurff auß der kurtzen hüff. Item wann Ir zusamen Gond. / so schickh dich also Inn dises stuckh trit er mit. / seinem rechten schenckel zu dir hinein / das Im sein rechter fuoß außwendig an deinen rechten kumpt. so greiff Im mit dei= / ner linckhen hannd hinden vmb seinen Leib hinumb. vnnd mit deiner rechten. / Inn seinen linckhen Elnpogen vnnd zech In zu dir. hat er dich also gefast. so greiff / Im mit deiner rechten hand hinden vmb seinen hals. truckh In damit zu dir. truckt / er dich allso zu Im so stoß In mit deinem rechten knie. Inn sein recht Kniepug. so wirfstu / In vber dein lincke huff. Glossar:

Bild 42: Mer ainn wurff auß der hüff. Item halt dich also Wann du zu dem Mann kumpst / trit mit deinem linckhen schennckel hinein stet er dann auch auch gögen dir mit sei= / nem rechten fuoß vor so hab In des gute acht das du Im mit deiner linckhen hand. vber / seinen ruckhen greiffset auf sein linckhe Achsel. vnnd mit deiner rechten hand greiff / Im wol oben nach seinem rechten schenckel heb den damit vber sich. hat er dich allso / zu ainem wurff gefast. so greiff Im mit deiner rechten hand vmb seinen hals nach / nach seiner rechten Achsel vnnd mit deiner linckhen hand In seinen rechten Arm. begert er / sich also zu enthallten. so heb vnnden wol ybersich vnnd truckh oben vndersich so wirf= / stu In vber deine lincke huff. Glossar:

Bild 43: Ainn würff von der Linncken seiten. 1) Item schickh dich Also Inn dises stuckh trit mit / deinem linckhen schennckel hinein. vnnd greiff Im mit deinem linckhen arm / vber sein rechte Achsel an seinen hals. vnnd tring In mit deiner linckhen hand von / dir Indes greiff Im mit deiner rechten hand außwendig In seinen rechten schenckel / vnnd heb In damit vbersich. hat Er dich also gefast. so greiff Im mit deiner rechten / hand vnnder seinem linckhen Arm hindurch vmb seinen hals. vnnd mit deiner / lincken hand vnnden nach seinem linckhen schenckel WIll er dir dein arbeit also/ prechen vnnd begert sich zu enthallten. so schwing In herumb auf dein linckhen / seiten. vnnd wirff In vber deine linckhe huff. Glossar: 1): In der Mair'schen Ringergruppe ist des Vorderen rechtes Bein mehr gestreckt als bei A.

Bild 44: Ein zuckhen mit ainem Wurf. Item halt dich also Wann du zu dem / man kumpst trit mit deinem lincken schennckel hinein. vnnd hab acht das du Im / mit deiner rechten hand sein rechte erwischest vnnd zuckh In Indes zu dir auf dein / prust. vnnd mit deiner linckhen hand fall Im vber sein rechte Achsel truckh damit wol / ybersich. zuckt er dich also zu Im. so trit mit deinem rechten schennckel hinder / seinen lincken. Indes greiff Im mit deiner linckhen hand vnden nach seinen ge= / mechten vnnd oben mit dem rechten Elnpogen truckh In starckh an sein prust. / von dir. so wirfstu In vber deinen rechten schennckel. Glossar:

Bild 45: Ain ybersichheben mit dem ausschupffen. 2) Item wann du zu Dem man kumpst / vnnd er Inn dem hagcken stat. so hab Indes gute acht das du Im mit deinem lincken schennckel seinen rechten außschlachest. Inn dem erwisch Im den selbigen schenckel. / mit deiner rechten hannd hen In damit wol auf. hat er dich also gefast. so greiff Im / mit deinem rechten Arm vmb seinen hals hinumb zu seiner rechten Achsel vnd mit / deiner linckhen hannd Inn seinen rechten arm WIll er dir deine arbeit also prechen. / so gib dich Inn die wag vnnd far Im mit deiner linckhen hand hinden vmb seinen leib / hinumb Indes richt dich auf vnnd schupff In damit ybersich. Glossar: 2): ausschupfen = heben in die Höhe (schieben); s. die 46. Uebung.

Bild 46: Einn Bruch gögen dem ausschupffen. Item wann Ir Baid zusamen gond so schickh dich also 3) In dises stuckh. trit mit deinem linckhen schennckel hinein vnnd greiff Im mit deiner rech= / ten hannd In seinen linckhen arm vnnd mit deiner linckhen hand hinden vmb sei / nen leib hinumb. Indes gib dich wol nider Inn die wag vnnd schupff In ybersich. be / gert er dich also ybersich zu heben. vnnd du mit deinem rechten fuoß zwischen seinen / baiden fueßen steest so greiff Im mit deiner rechten hand vmb seinen hals hinumb / Inn sein rechte Vchsen vnnd mit deiner linckhen hand Inn seinen rechten ELnpgen / so ist Im das schupffen geprochen In dem schwing In yber deinen rechten schennckel. / Glossar: 3): Ergänze: dich.

Bild 47: Ainn wurff auß dem hackhen. Item halt dich also Inn disem stuckh stand mit dei= / nem rechten fuoß vor. vnnd mit deinem lincken trit Im hinder sein linckhen Fersen. In / dem greiff Im mit deiner linckhen hannd vmb seinen leib hinumb In sein linckhe Vch= / sen. vnnd mit deiner rechten außwendig In seinen lincken Elnpogen zeuch In da=/ mit zu dir. hat er dich also gefast. vnnd zeucht ich zu Im so greiff Im mit deiner rechten / hand vmb seinen hals hinumb auf sein rechte Achsel. vnnd mit deiner linckhen In sei= / nen arm. Inn dem schlach Im den hackhen mit deinem rechten vuoß vmb seinen / linckhen. schwing In damit von deiner rechten auf dein lincke seiten. Glossar:

Bild 48: Einn Bruch auf den Hackhen. Item schickh dich also Wann du fur den / man kumpst schlach Im den hackhen mit deinem rechten schennckel vmb seinen / linckhen vnnd greiff Im mit deinem rechten arm vmb seinen hals hinumb. / vnnd mit deiner linckhen hannd Innwendig Inn seinen rechten Elnpogen. / hat er dich also gefast. vnnd begert dich auß dem hacken zu werffen. so setz Im mit / baiden henden oben an seinen hals. so muoß er zu ruckh falln. vnnd ist Im der / hackhen geprochen. Glossar:

Bild 49: Einn wurff auß dem Rad. Item wann Ir Baid zusamengond. so hallt dich also / Inn disem stuckh. trit mit deinem rechten schennckel zwischen seine baid fuoß vnd / greiff Im mit deinem rechten arm vber sein linckhe achsel. greifft er dir also yber / so fall Im mit deiner rechten hannd an seinen hals. truckh In damit vornen nider. / wil er dir das mit seiner linckhen hand wehren. so greiff Im mit deiner linckhen / hannd hinden zwischen seine baid fuoß. In des treh In herumb auf dein rechten sei= / ten so würffstu In auß dem Rad. Glossar:

Bild 50: Ain wurff auß dem hackhen. Item schickh dich Allso Inn dises stuckh. stand mit / deinem linckhen fuoß vor vnnd greiff Im mit deiner linckhen hannd oben In sein lincke / Achsel. greifft er dir also vber. so fall Im mit deinnem linckhen arm an senien hals. vnd / mit deniem rechten schennckel thu samwollestu 1) Im den hackhen schlachen. Inn dem/ setz Im mit deinem rechten Elnbogen an sein prust. truckh damit starckh auf dein / rechte seiten vnnd schlach Im den hagken. so wirfstu In zu ruckh auf dein rechte seiten. / Glossar: 1): thu, als wolltest du.

Bild 51: Einn wurff auß dem Rigel. Item wann Ir Baid zusamen gond. so hallt dich / also In disem stuckh trit mit deinem linckhen schenckel wol hinder In hin= / auß hinder seine baid schennckel vnnd greiff Im mit deiner rechten hannd / außwendig Inn seinen linckhen Elnpogen. vnnd mit deiner linckhen / vmb seinen leib hinumb wol Inn der waich. hat er dich also gefast. vnd zeucht / dich zu Im. so schlach Im den hagcken mit deinem rechten fuoß vmb seinen / linckhen vnnd greiff Im mit deinem rechten arm oben vmb seinen hals. vnd / mit deiner linckhen hannd Innwendig Inn seinen rechten Arm. Inn dem treh / In von seiner rechten seiten herumb auf dein rechte. so wirfstu In. Glossar:

Bild 52: Ain wurff auß der wag. Item halt dich also In Disem stuckh. stand mit dei= / nem rechten fuoß vor. stat er dann auch also gögen dir mit seinem linckhen fuoß vor. vnnd mit dem rechten zwischen denien baiden fuößen. vnnd fellt dir mit seienm rechten Arm / vmb deinen hals hinnumb. Inn mainung mit dir zu arbaiten. so gib dich Indes behend. / nider Inn die wag. vnnd ergreiff Im mit deiner rechten hannd seinen linckhen schenckel. / vnnd mit der linckhen greiff Im hinden vmb seinen leib hinumb In sein linckhe ych= / sen. Inn dem gib dich behend auf. 2) auss der Wag. vnnd wirff In vber deinen linckhen schenckel / zu Ruckh. Glossar: 2): richte dich auf.

Bild 53: Einn hüff wurff. Item wan Ir baid zusamen Gond. / so hallt dich also stannd mit deinem rechten fuoß vor. vnnd mit dem linckhen trit herumb / außwendig fur seinen linckhen. In dem greiff Im mit deiner rechten hand In seinen linck= / hen arm von aussen. vnnd mit deiner linckhen hinden vmb seinen leib hinnumb. hat / er dich also gefast. vnnd will dich herumb schwingen so gib dich wol hindersich In die wag / Indes greiff Im mit deiner rechten hannd hinden vmb seinen hals vnnd mit deiner / linckhen Inn sein rechte Achsel. hat er dich also gefast. vnnd gibt sich also fast 3) hinder sich/ Inn die wag so laß dein rechte hand von seinem linckhen Elnpogen setz Ims damit / an seinen hals vnd truckh In nider zu der erden. Glossar: 3): fast = sehr.

Bild 54: Ainn einwinden. Item schickh dich also Mit disem stuckh. stand / mit deinem linckhen fuoß vor. vnnd greiff Im mit deiner linckhen hannd nach sei= / ner rechten seiten. Greifft er also nach dir. so wind Im Indes behend sein linckhe hand mit / deiner rechten hinweckh das du Im darmit vmb seinen leib hinnumb kumest. windt er dir / dein linckhe hannd also hinweckh. so greiff Im mit deiner rechten hannd In seinen linckhen / Arm. Greifft er dir also vber. so setz Im mit deiner linckhen hannd wol In seinen rechten / arm von vnnden. Inn dem zeuch In wol zu dir auf deni prust. vnnd schwing In auß dem / Rad von deiner linckhen auf dein rechte seiten. so muoß er fallen. Glossar:

Bild 55: Einn wurff auß der wag. Item halt dich Also Inn disem stuckh. trit mit deinem / linckhen schennckel wol fur sich hinauß vnnd greiff Im mit deiner rechten hand hin / den vmb seinen hals hinumb nach seiner rechten Achsel. vnnd mit deiner linckhen In / wendig In seinen linckhen arm. hat er dich also gefast. vnnd vermaint dich vber seinen / rechten schennckel herumb zu schwingen. so greiff mit baiden hennden vmb seinen rech / ten schennckel. vnnd gib dich vnnder seinem rechten arm wol nider Inn die wag das du / Im mit deiner linckhen Vchsen starckh vnnder seiner rechten Vchsen hindruch tringest. / Indes setz deinen linckhen schennckel hinder seinen rechten vnnd heb wol vbersich Inn die / hoch. so wirffstu In zu ruckh. Glossar:

Bild 56: Ain wurf auß der schwech mit dem hackhen. Item wann Ir baid zusamen Gond / so hab acht vnnd trit Im von Innwendig mit deinem rechten schenckel vmb seinen linck= / en In den hackhen. das derselb fuoß hinauß wertz stannd. Inn dem greiff Im mit deinem / rechten arm oben vmb seinen hals. vnnd truckh damit vnndersich. hat er dich also gefast. / vnnd will dich mit sterckh vnnder sich truckhen so thu dein linckhe hand zu vnnd setz sy / Inn dein lincke seiten. Inn dem wind dich mit deinem linckhen Arm. vnnder seinem rech= / ten hindurch vnnd truckh In mit dem Elnpogen starckh In sein rechte seiten. Indes faß. / In mit deiner rechten hannd wol vnnden bey seinen gemechten. so wirfstu In auß dem hack= / hen fur sich auf das angesicht. Glossar:

Bild 57: Einn Ruckhlinger wurff. Item halt dich also Mit disem wurff. stannd / mit deinem rechten fuoß gögen Im vnnd greiff Im mit deiner rechten hannd vmb / seinen hals hinumb auf sein rechte Achsel vnnd mit deiner linckhen Innwendig In / seinen linckhen arm. hat er dich also gefast. vnnd will dich zu Im ziehen. so gib dich behend / wol nider Inn die wag. vnnd erwisch Im mit deiner rechten hannd seinen rechten / schennckel. heb den wol ybersich vnnd mit deinem linckhen Elnpogen truckh In / starckh an sein prust. so wirfstu In zuruckh vber deinen linckhen furgesetzten schenckel./ Glossar:

Bild 58: Ainn einlauff Inn dem hackhen. Item wann Ir baid zusamen gond. so schickh dich allso / stannd mit deinem linckhen fuoß vor vnnd greiff Im mit deiner linckhen hand hinden / yber seinen ruckhen nach seiner linckhen Achsel. vnnd mit deiner rechten vber sein prust / deiner linckhen zu hilff. gib dich damit wol nider Inn die wag. vnnd zeuch In zu dir. zeucht / er dich also zu Im so trit mit deinem rechten schenckel hinder seinen linckhen Inn den hack= / en vnnd greiff Im mit deiner rechten hannd yber sein achsel In sein rechte Vchsen vnnd mit / deiner linckhen außwendig Inn seinen rechten Elnpogen Indes schwing In vber deinen rech= / ten schennckel fur sich auf das angesicht. Glossar:

Bild 59: Einn schloß Ringen. Item schickh dich also Inn dises stuckh. / wann Ir zusamen gond. stat er dann mit seinem rechten schenckel zwische / deinen baiden fuoßen. so greiff Im mit deiner rechten hand vber sein prust / nach seiner linckhen Achsel. vnnd mit deiner linckhen erwisch Im sein lincke / zeuchs damit wol zu dir. In dem setz Im mit deinem kin wol auf sein rechte / Achsel. truckh damit starckh vnndersich vnnd schwing In vber deinen lincken / schennckel zu Ruckh. Glossar:

Bild 60: Ainn bainpruch. Item halt dich also Mit disem stuckh. stannd mit / gestrackhen fuoßen aufrecht. vnnd greiff Im mit baiden armen von Inwendig In / sein prust. hat er dir also an deni prust gesetzt. so wind Im mit deinen baiden armen / von ausswendig vnnder seine baid Arm Inndem stoß Im mit deinem rechten schenckel ge/ waltig auf sein linckhe kniescheiben. so prichstu Im den schennckel ab oder zeuch In zu / dir. so wirfstu In damit. Glossar:

Bild 61: Einn einwinden darauß ein wurff geet. Item wann Ir Baid zusamen koment vnnd ainannder also. / bey den armen gefast hapt. so schlach Im den hackhen / mit deinem rechten schennckel / vmb seinen linckhen vnnd wind Im mit deiner rechten hannd vmb seinen hals auf / sein rechten Achsel vnnd mit deinner linckhen greiff Im in sein prust hat er dich also ge= / fast zu ainem wurff. so erwisch In hinden bey seiner waich so muoß er mit dir fallen. / hat er dich also mit sampt Im geworffen. so setz Im mit deiner linckhen hand vornen / an seinen hals so windstu dich wider von Im auf. Glossar:

Bild 62: Ein hanndprechen. Item schickh dich also Mit disem stuckh. wann / Ir zusamen gond. stee mit deinem lincken fuoß vor. stat er dann. auch also gögen dir / mit aufgethanen hennden so erwisch Im mit deiner Rechten hannd seinen rechten dau= / men vnnd mit deiner linckhen hannd greiff Im hinder die recht hand so magstu Ims / prechen Indes spring mit deinnem rechten schenckel wol auf sein linckhe seiten vnd greiff / mit deiner linckhen hannd wol Inn sein waich. so wirfstu In vber dein linckhe huff. Glossar:

Bild 63: Ainn einwinden mit ainem armpruch. Item wann Ir zusamen Gond so stickh dich / also Inn dises stuckh. greiff Im mit deiner rechten hannd In sein linckhen achsel. vnnd / mit deiner linckhen Inn sein rechte Vchsen. hat er dich also gefast so wind Im mit dei / nem rechten arm vber seinen linckhen von Inwendig herauß hinder seinem linckhen / Elnpogen vnnd mit deinem linckhen Arm auch von außen vber seinen rechten / heb damit starckh vbersich vnnd truckh an dich so magstu Im seine arm prechen. / will der armpruch aber nit geen. so schlach Im mit deinem rechten schennckel an / seinen linckhen so muoß er fallen. Glossar:

Bild 64: Der hinderwurff des hackens. Item wann du zu Dem mann kompst. so hallt dich also / mit disem stuckh. trit mit deinem linckhen schenckel hinein vnnd greiff Im mit deiner linck= / hen hannd hinden vber seinen ruckhen Inn sein lincke Vchsen. vnnd mit deiner rechten / vber sein prust Inn seinen linckhen arm. hat er dich also gefast vnnd zeucht dich zu Im. so schlach / Im den hackhen mit deinem rechten schennckel vmb seinen lincken. vnnd greiff Im mit dei=/ nem rechten arm oben vmb seinen hals hinumb Inn sein rechte seiten. vnnd mit deiner linck= / en hannd außwendig Inn seinen rechten Elnpogen. In des schwing In vber dein rechte hiff / herumb. so wirfstu In fursich. Glossar:

Bild 65: Ein wurff auß dem schragen. Item schickh dich Also Inn dises stuckh. trit mit / deinem linckhen schennckel hinein vnnd kum Im mit deinem kopff vnnder sei= / ner rechten Vchsen hindurch. In des greiff Im mit deiner lincken hannd sein linck= / en Vchsen vnnd mit deiner rechten greiff Im Inn sein linckhen Arm. hat er dich / also gefast. so ergreiff Im mit deiner linckhen hannd seinen rechten schennckel. heb / den damit wol ybersich. Indes trit mit deinem rechren schenckel hinder seinen lincken. / vnnd mit dem rechten Arm fall Im oben vber seinen hals hinumb. so wirfstu In auß / dem Schragen auf dein rechte seiten. Glossar:

Bild 66: Ain verkerter wurff vber die linckh hüff. Item hallt dich allso Inn disem stuckh. wann du fur / den man kumpst. trit er mit seinem rechten schennckel an deinen linckhen. vnd will dir mit / seiner rechten hand nach deiner linckhen Vchsen greiffen vnnd mit seiner linckhen nach / deiner rechten seiten Inn die waich. so fall Im mit deiner linckhen hand oben yber seine / baid arm nach seinem linckhen Arm vnnd mit deiner rechten greiff Im Inn sein lincke / Vchsen. zeuch In damit zu dir Indes truckh In starckh vnndersich auf dein prust. vnnd setz Im dein linckhe huff Inn sein lincke. so magstu In verkern 1) vnnd wirfst In auch damit / von deiner linckhen auf dein rechte seiten. Glossar: 1): verkern = umdrehen; s. oben das 35. Ringstück.

Bild 67: Ein wurff auß der wag. Item wann du zu Dem man kompst so hallt dich./ also trit mit deinem linckhen schennckel zwischen seine baid fuoß. Indes gib dich wol nider / In die wag vnnd greiff Im mit deinner rechten hannd zwischen seinen gemechten hin= / durch vnnd mit deiner linckhen hinden vmb seinen leib hinumb. deiner rechten zu hilff / heb In damit vbersich hat er dich also gefast vnnd hept dich vbersich. so fall Im mit deinem / rechten arm oben vber seinen hals In sein rechte Achsel vnnd mit deiner linckhen hannd / Innwendig In seinen Rechten arm Indes heb deinen rechten schennckel wol auf vnd / stoß In mit deinem knie Innwendig Inn sein lincke kniepug. so muoß er fallen. Glossar:

Bild 68: Ain wurff auß der obern schwech. Item wann Ir baid Zusamen gond so schickh dich also Inn di= / ses stuckh trit mit deinem linckhen schennckel wol hinfur hinder seine baid vnnd gib dich wol / nider Inn die wag Indes greiff Im mit baiden armen oben nach seiner rechten Achsel. vnd / truckh mit sterckh vnndersich. hat Er dich also gefast. vnnd truckt dich vnndersich so greiff / Im mit baiden armen oben vmb seinen leib hinumb. vnnd faß Im kopff vnnd Arm vn= /der seiner rechten Vchsen zusamen Indes schlach Im mit deinem rechten schennckel den hacken / vmb seinen linckhen. so wirfstu In auss den obern schwech vnnder dich. Glossar:

Bild 69: Ein wurff auß der kürtzen hüff. Item schickh dich Allso Inn dises stuckh wann du / zu dem man kumpst. trit mit deinem linckhen schenckel wol hinfur zu seinem linckhen / vnnd gib dich wol nider Inn die wag mit dem kopff vnnder sein rechte Vchsen. Indes / greiff Im mit deiner rechten hannd yber sein waiche Innwendig Inn seinen lincken / Arm vnnd mit deiner linckhen hannd vmb seinen leib hinumb In sein lincken / Vchsen zeuch In damit zu dir hat er dich also gefast vnnd zeucht dich zu Im. so fall Im / mit deinem rechten arm oben yber seinen hals. In sein rechte seiten vnnd mit deiner / linckhen außwenndig Inn seinen rechten Elnpogen. Indes schwing in auß der kur= / zen huff vber deinen rechten schennckel. Glossar:

Bild 70: Ainn wurff auß der hochen huff. Item halt dich Allso Inn disem stuckh. wann du / fur den man kumpst wann du dich woltest Inn den hacken begeben vnnd er dir zu / weit stet. so spring mit baiden fueßen wol fur In hinauß. Ist er also fur dich hinauß / treten. so greiff Im hinden mit deinen linckhen arm. vmb seinen leib hinumb vnd / mit deiner rechten hand Inn sein linckhe Achsel. hat er dich also gefast. vnnd vermaint / dich herum zu schwingen. so fall Im mit deinem Rechten Arm oben yber sein Achsel. / In sein rechte Achsen vnnd faß In starckh vnnd mit deiner linckhen hand außwen= / dig Inn seinen rechten Elnpogen Indes gib dich vornen wol nider vnnd schwing In / auß der hohen huff yber deinen rechten schennckel herumb fur dich./ Glossar:

Bild 71: Einn wurff auß der außschlahenden huff. Item hallt dich also Inn disem stuckh. wann du zu dem man / kumpst trit mit dienem linckhen schennckel wol hinauß fur seinen lincken. vnnd greiff / Im mit deiner Rechten hannd Inn sein lincke Vchsen vnnd mit deiner lincken hinden vmb / seinen leib hinumb deiner rechten zu hilff. truckh In damit zu dir. hat er dich also gefast. / vnnd truckt dich zu Im. so ergreiff Im mit deinner lincken hand seinen linckhen schenckel/ heb den damit wol vbersich. vnnd mit deiner rechten vmb seinen hals hinuber Inn sein rech= / te Achsel. zeuch In damit auf dein rechte huff In des gib dich widerumb Inn die hoch auf. so / magstu In tragen oder werffen. Glossar:

Bild 72: Ainn wurff auß der obern vnd vndern schwech. Item hallt dich also In Disem stuckh wann Ir / zu= samen gond. trit er mit seinem lincken schenckel hinein gögen dir das du mit baiden. / fueßen zwischen Inn stest. vnnd will dir mit seiner linckhen hannd nach deiner linck= / en Achsel greiffen. so fall Im mit deiner linckhen hannd oben auf seinen linckhen / Arm. so ist sein vbergreiffen vergebens Inndem setz Im damit an seinen hals. vnd / mit deiner Rechten hannd erwisch Im seinen linckhen fuoß von vnden so ist er / oben vnnd vnden geschwecht. Indes truckh oben starckh vnndersich vnnd vnden / heb wol ybersich so wirfstu In auf dein lincken seiten. Glossar:

Bild 73: Ein ruckhen stoß mit ainem Wurff. Item wann Ir zusamen Gond so schickh / dich also Inn dises stckh will er dir mit deiner [lies: seiner] Rechten hannd nach deiner rech= / ten seiten greiffen vnnd mit seiner linckhen hinden vmb seinen [lies: deinen] leib hinumb In / der waich. so erwisch In mit deiner linckhen hannd bey seinem Rechten Eln= / pogen zeuch In damit zu dir auf dein prust. so gibt er sich nider. Indes setz Im deinen / rechten Elnpogen wol oben Inn seinen Ruckhen. so truckstu In nider zu der erden./ Glossar:

Bild 74: Ainn hinnder wurff. Item schickh dich Also Inn dises stuckh laufft Er / dir mit seinem kopff vnnder deinem rechten arm hindurch vnnd fast dich mit seiner rech=/ ten hannd Innwendig Inn dienem linckhen Arm vnnd mit seiner linckhen zwischen deinen / baiden schenncklen so greiff Im mit deiner rechten hannd hinderwertz In sein lincke Achsen / vnnd mit deiner lincken In seinen rechten Arm Indes heb seinen lincken schennckel mit / deinem rechten ybersich vnnd zeuch In damit yber dein rechte huff herfur so magstu In / Werffen. Glossar:

Bild 75: Ein wurff auß dem geschrenckten hacken. Item wann Ir Zusamen gond so halt dich also Inn disem stuckh trit mit / deinem lincken schennckel hinein vnnd greiff Im mit deiner rechten hannd außwendig nach sei= / nem linckhen Elnpogen vnnd mit deiner linckhen wol oben Inn seinen rechten arm. hat er dich / also gefast vnnd will dich zu Im ziehen so greiff Im mit deiner rechten hannd vnnder seiner / lincken Vchsen hindurch oben Inn sein goller vnnd mit deiner linckhen faß In bey seinem rechten / Arm Inndem schlach Im dem Hackhen Innwendig mit deinem rechten schennckel vmb seinen / linckhen vnnd zeuch mit deiner rechten hand zu dir. vnnd mit der lincken truckh von dir. so muoß / er zu Ruckh fallen. Glossar:

Bild 76: Ain painpruch mit ainem Wurff. Item wann Ir Baid zusamen gond so schickh dich also Inn dises stuckh / trit mit deinem linckhen schennckel Innwendig fur seinen rechten vnnd greiff Im mit dei= / ner rechten hannd auß= wendig Inn seinen lincken Arm wol oben vnnd mit deiner lincken hinden vmb seinen leib In der waich. hat Er dich also gefast vnnd will dich zu Im ziehen. so / greiff Im mit deiner lincken hannd wol oben Innwendig In seinen rechten Arm. vnnd mit / deiner Rechten hinden vmb seinen leib hinumb Inn sein rechte seiten Indes stoß In mit dei= / nem rechten schennckel gewaltigelich auf sein rechts schinabin. so magstu Im den prechen vnnd zeuch In oben zu dir. so magstu In auch werffen. / Glossar:

Bild 77: Einn wurff auß der waych. Item hallt dich Also Inn disem stuckh. wann Ir zusamen gond. / stat Er mit gleichen fuoßen gögen dir. vnnd greifft dir mit seiner rechten hannd Inn deinen / lincken Arm vnnd mit seiner lincken vber deinen rechten Inn dein Rechte Vchsen. so fall Im / mit deiner lincken hannd Inn sein rechte Vchsel. vnnd zeuch In zu dir Indem greiff Im mit / deinem rechten arm vnnder seiner linckhen Vchsen hindurch hinden Inn sein waich vnd / wend dich von deiner lincken auf dein rechte seiten. so wirfstu In vber die kurtz huff. oder auß / der waich. Glossar: